کراچی( آن لائن ) کراچی کی احتساب عدالت میں سابق صوبائی وزیر شرجیل میمن اور دیگر ملزمان کو پونے 6 ارب روپے کے کرپشن کیس کی سماعت کے سلسلے میں عدالت میں پیش کیا گیا تاہم نیب پراسیکیوٹر کی عدم موجودگی کے باعث سماعت 26 ستمبر تک ملتوی کردی گئی۔ بعد ازاں شرجیل میمن نے صحافیوں سے غیر رسمی گفتگو کرتے ہوئے کہا ہے کہ شراب برآمد کا معاملہ میرا ذاتی ہے اس سے پارٹی کا کوئی تعلق نہیں،میرے خلاف جو انکوائری چل رہی ہے اس کا جواب انکوائری کمیٹی

کے سامنے دونگا بلاول بھٹو کی مجھ سے ناراضگی کا کوئی میسج نہیں ملا ہے ،ضیاالدین ہسپتال میں ہونے والے واقع میں جو کچھ ہوا اس کی انکوائری چل رہی ہے اور اپنا بیان انکوائری کمیٹی کے سامنے دونگا صحافی نے سوال کیا کہ ضیا الدین ہسپتال کے واقعہ پر پیپلز پارٹی چیئرمین بلاول بھٹو نے سخت ناراضگی کا اظہار کیا ہے اس لئے دیگر پارٹی رہنماؤں نے میڈیا پر آپ کا دفاع نہیں کیا ہے جس کے جواب میں شرجیل میمن نے کہا کہ مجھے تو بلاول بھٹو کا واقعہ پر ناراضگی کا میسج نہیں ملا ہے۔