اسلام آباد (مانیٹرنگ ڈیسک) وزیراعظم ہاؤس میں گزشتہ روز سینئر صحافیوں نے وزیراعظم عمران خان سے ملاقات کی اس ملاقات میں ایک ملکی معاملات کے ساتھ ساتھ بین الاقوامی معاملات پر بھی بات چیت کی گئی اس کے علاوہ وزیراعظم عمران خان کو صحافیوں کے بہت سے سخت سوالات کا سامنا کرنا پڑا، اس ملاقات میں وزیراعظم عمران خان نے کہا کہ اختلاف رائے میڈیا کا حق ہے، حکومت کے کاموں سے آپ کو اختلاف کرنا چاہیے تاکہ ہمیں معلوم ہو سکے کہ ہم کہاں غلطی پر ہیں، آپ لوگوں کی تنقید سے ہم اسے ٹھیک کرنے
کی کوشش کریں گے، وزیراعظم عمران خان نے کہا کہ اختلاف کرنے والے میڈیا اینکرز کی کردار کشی کی اجازت نہیں دے سکتا، انہوں نے کہا کہ ہم سوشل میڈیا پراس قسم کی مہم جوئی کو روکنے کی حکمت عملی بنائیں گے۔ اس ملاقات میں جب سلیم صافی کی رپورٹ جس میں معروف صحافی نے کہا تھا کہ وزیراعظم عمران خان نے پہلے روز ہی سابقہ حکومت کے اخراجات کی تفصیلات مانگ لی ہیں کا جواب دیتے ہوئے وزیر اعظم عمران خان نے کہا کہ میں نے میاں نواز شریف کے اخراجات کی تفصیلات مانگیں نہ کسی نے مجھے دیں۔
