اسلام آباد،فیصل آباد ( آن لائن) تاندلیانوالہ سے این اے 103 اور پی پی کے آزاد امیدوار مرزا محمد احمد مغل نے خود کشی کرلی۔ الیکشن کمیشن آف پاکستان نے دونوں حلقوں میں انتخابات ملتوی کر دیئے ۔تفصیلات کے مطابق مرزا محمد احمد نے خود کشی سے قبل ویڈیو پیغام میں خودکشی کی دھمکی دی تھی۔پولیس کے مطابق فیصل آباد سے قومی اسمبلی کے حلقے این اے 103 اور صوبائی حلقے پی پی 103 سے آزاد امیدور محمد احمد مغل

نے مبینہ طور پر خودکشی کی۔ احمد مغل کا بیٹوں سے جھگڑا ہوا تھا جس پر انہوں نے خود کو گولی مارکر زندگی کا خاتمہ کرلیا۔ احمد مغل پک اپ کے نشان پر آزاد حیثیت میں الیکشن لڑرہے تھے۔بعد ازاں الیکشن کمیشن نے آزاد امید وار مرزا محمد احمد کی خودکشی کی تصدیق کے بعد این اے 103 اور پی پی کے دونوں حلقوں سے الیکشن ملتوی کر دیئے ،اس حوالے سے صوبائی الیکشن کمشنر کو باقاعدہ طور پر آگاہ کر دیا گیا۔