لاہور(مانیٹرنگ ڈیسک )مسلم لیگ (ن) کے صدر محمد نواز شریف اور وزیر اعظم شاہد خاقان عباسی کے درمیان ہونے والی ملاقات میں فاٹا کے خیبر پختوانخواہ میں انضمام اورفاٹا اصلاحات بل پر گفتگو کی گئی ،جس میں مولانا فضل الرحمن سمیت دیگر کے تحفظات دور کرنے اور سیاسی جماعتوں کے قائدین سے رابطوں پر اتفاق کیا گیا۔ جاتی امراء رائے ونڈ میں ہونے والی ملاقات میں وزیر اعلیٰ پنجاب محمد شہباز شریف ،وفاقی وزراء رانا تنویر حسین ،
انجینئر خرم دستگیر ، پرویز رشید سمیت دیگر بھی موجود تھے ۔ نواز شریف اور شاہد خاقان عباسی کا گفتگو کرتے ہوئے کہنا تھاکہ پارلیمنٹ کی مضبوطی تمام اداروں کی مضبوطی ہے اور مسلم لیگ (ن) ہمیشہ اس کے لئے کوشاں رہی ہے۔ اس دوران فاٹا کے خیبر پختوانخواہ میں انضمام اور فاٹا اصلاحات بل پر مولانا فضل الرحمن سمیت دیگر کے تحفظات بارے تبادلہ خیال کیا گیا اور فیصلہ کیا گیا کہ نہ صرف تحفظات دور کئے جائیں گے بلکہ سیاسی جماعتوں کے قائدین سے رابطوں کئے جائیں گے۔ ذرائع کے مطابق اجلاس میں دیگر اہم امور پر بھی تبادلہ خیال کیا گیا ۔وزیر اعظم شاہد خاقان عباسی کی لاہور آمد پر وزیر اعلیٰ شہباز شریف ،چیف سیکرٹری پنجاب کیپٹن (ر) زاہد سعید ،آئی جی پنجاب کیپٹن (ر) عارف نواز خان ، کمشنر لاہور ڈویژن عبد اللہ خان سنبل سمیت دیگر نے استقبال کیا ۔ قبل ازیں سابق وزیر اعظم نواز شریف سے وفاقی وزیر نجکاری دانیال عزیزنے بھی ملاقات کی ۔اس موقع پر سپریم کورٹ کے عمران خان کیس میں فیصلے کے خلاف ریو یو پٹیشن ، فاٹا اصلاحات بل سمیت عوامی رابطہ مہم بارے تبادلہ خیال کیا گیا۔ مسلم لیگ (ن) کے صدر محمد نواز شریف اور وزیر اعظم شاہد خاقان عباسی کے درمیان ہونے والی ملاقات میں فاٹا کے خیبر پختوانخواہ میں انضمام اورفاٹا اصلاحات بل پر گفتگو کی گئی ،جس میں مولانا فضل الرحمن سمیت دیگر کے تحفظات دور کرنے اور سیاسی جماعتوں کے قائدین سے رابطوں پر اتفاق کیا گیا۔
