اسلام آباد (مانیٹرنگ ڈیسک) امریکہ کے صدر ٹرمپ کی جانب سے جنوبی ایشیا کی پالیسی کے متعلق بیان اور پاکستان پر بے بنیاد الزامات لگاتے ہوئے دھمکیوں پر عوامی مسلم لیگ کے قائد شیخ رشید احمد نے کہا ہے کہ اگر پاکستان کو چھیڑا گیا تو پھر بھارت میں بھی کوئی نہیں بچے گا۔ پاکستان عوامی مسلم لیگ کے سربراہ شیخ رشید احمد کی طرف سے امریکی صدر ڈونلڈ ٹرمپ کی پاکستان کو دھمکیوں پر ردعمل دیا گیا ہے۔ شیخ رشید احمد نے امریکہ کو باور کراتے
ہوئے کہا کہ امریکہ بھارت کے ذریعے پاکستان پر حملہ کرنے کی بھول کبھی نہ کرے۔ انہوں نے کہا کہ پاکستان کوئی عراق یا افغانستان نہیں ہے۔اگر امریکہ نے کوئی ایسی غلطی کی تو پھر پاکستان اس کا بھرپور جواب دے گا۔شیخ رشید نے کہا کہ پاکستانی میزائل پروگرام کے سامنے بھارت کچھ بھی نہیں ہے۔ اگر ہم پر حملہ کیا گیا تو پھر بھارت میں بھی کوئی نہیں بچے گا۔ پاکستان ایسا جواب دے گا کہ بھارت کے مندروں میں گھنٹیاں بجانے کے لیے بھی کوئی نہیں بچے گا۔
