اسلام آباد (آن لائن) پاکستان پیپلز پارٹی کے رہنما سینیٹر اعتزاز احسن نے کہا ہے کہ قانون سے بالا تر کوئی نہیں ۔ شریف خاندان قانون کے سامنے پیش نہ ہوا تو قانون حرکت میں آئے گا۔ آج وکلاء گردی کا جملہ بھی عام ہو گیا۔ میڈیا سے گفتگو کرتے ہوئے اعتزاز احسن نے کہا کہ قانون سے بالاتر کوئی نہیں ہے۔ ایک خاندان نے احتساب کے سامنے پیش نہ ہونے کا فیصلہ کر لیا ہے۔ اگر یہ قانون کے سامنے

پیش نہیں ہوں گے تو قانون خود بھی حرکت میں آئے گا ۔انہوں نے کہا کہ ہم نے ججوں ے لئے عدلیہ بحالی تحریک شروع کی تھی ہماری تحریک میں ایک پتہ بھی نہیں ٹوٹا ۔ ہم نے ایک اسمبلی بنا رکھی تھی اختلاف ہوتا تھا مگر فیصلے اتفاق رائے سے کرتے تھے۔ انہوں نے کہا کہ آج وکلاء گردی کا جملہ استعمال ہوتا ہے جسٹس منصور علی شاہ گھبرانے والے نہیں ہیں معاملے کو 5ججز دیکھ رہے ہیں۔

موضوعات:اعتزاز احسن