لاہور (آن لائن) مسلم لیگ ن نے حلقہ این اے 120 میں بیگم کلثوم نواز کو جتوانے کے لئے ارکان صوبائی اور قومی اسمبلی کو ذمہ داریاں سونپ دیں، بتایا گیا ہے کہ سابق وزیراعظم کی نااہلی کے بعد خالی ہونے والی قومی اسمبلی کی سیٹ این اے 120 پر ضمنی الیکشن میں مسلم لیگ ن کی امیدوار بیگم کلثوم نواز کو کامیابی دلانے

کے لئے ن لیگ متحرک ہو گئی، حلقہ میں ارکان صوبائی اور قومی اسمبلی کی ڈیوٹیاں لگا دی گئیں حلقہ این اے 120 میں وفاقی وزیر پرویز ملک اور خواجہ احمد حسان کنوینئر ہوں گے جبکہ بلدیاتی کوآرڈینیشن کی ذمہ داری میئر لاہور مبشر جاوید کے سپرد کر دی گئی ہے اور صوبائی وزیر مجتبیٰ شجاع الرحمن یونین کونسل 49 اور 51 کے انچارج ہوں گے ملک ریاض یوسی 48 کے سربراہ ہوں گے جبکہ دیگر کونسل میں مختلف اراکین اسمبلی کی ڈیوٹیاں لگائی گئی ہیں۔