اسلام آباد (مانیٹرنگ ڈیسک) پنجاب ٹیکسٹ بک بورڈ کا کارنامہ، نئی کتابوں سے اسلام، پاکستان اور فوج سے متعلق اسباق و تصاویر نصاب سے خارج کر دی گئی ہیں، تفصیلات کے مطابق ایک قومی روزنامہ کے مطابق یہ تبدیلی جماعت اول سے جماعت پانچویں تک کی کتابوں میں کی گئی ہے۔ پرائمری کے نصاب سے قائداعظم، مینار پاکستان سمیت ملک کے نقشے کی تصاویر بھی نکال دی گئی ہیں اس کے علاوہ نصاب سے رحمت عالمؐ، عید میلاد النبیؐ کا مضمون اور قرآن کا
لفظ بھی ختم کر دیا گیا ہے۔ اسی طرح پاک آرمی اور 1965ء کی جنگ کے ہیرو میجر عزیز بھٹی کا مضمون بھی نکال کر اس کی جگہ امریکی ہیرو کو شامل کر نے کا انکشاف ہوا ہے۔ سب سے اہم بات یہ ہے کہ سرکاری کتب میں انگریز کنسلٹنٹ نکولس شاء کا نام بھی شامل کر دیا گیا۔ یہاں یہ وضاحت ضروری ہے کہ ٹیکسٹ بک بورڈ ایکٹ 2015 کے مطابق نصاب میں تبدیلی کی منظوری کے بغیر مواد کو کسی صورت نہیں نکالا جا سکتا۔ مگر اس ایکٹ کو خاطر میں نہیں لایا گیا۔
