اسلام آباد(مانیٹرنگ ڈیسک)ضیااللہ آفریدی نے کہا ہے کہ عمران خان اگر کرپشن فری خیبرپختونخواہ کا نعرہ لگاتے ہیں تو پھر ہمت کریں اور اپنے وزیراعلیٰ پرویز خٹک کو احتساب کےلئے پیش کریں،انہوں نے کہا کہ پرویز خٹک کیاربوں روپے کی کرپشن میں

شامل ہیں،خیبر بینک میں بہت سے ملازمین کوغیر قانونی طریقے سے بھرتی کیا گیا،انہوں نے کہا کہ خیبر بینک کے معاملے میں جماعت اسلامی اور تحریک انصاف ایک دوسرے کے ساتھ ہیں،جماعت اسلامی کے امیر سراج الحق کرسی بچانے کےلئے خیبر پختونخواہ بینک کو ڈبو رہے ہیں،انہوں نے کہا کہ خیبر بینک کے ایم ڈی راشد علی کی تقرری بھی غیر آئینی اور غیر قانونی ہے اور اس کی تقرری بھی وزیراعلیٰ خیبرپختونخواہ کی طرف سے ہوئی ہے،انہوں نے کہا کہ خیبر بینک کے معاملے پرعمران خان کو ہر فارم پر مناطرے کےلئے چیلنج کرتا ہوں، انہوں نے کہا کہ جلد دھرنا دے کر ثابت کروں گا کہ خیبر بینک میں کتنے ارب روپے کے گھپلے ہوئے ہیں،عمران خان نے لیاقت باغ جلسے میں خیبربینک بارے جھوٹ بولا عمران خان کو پختونوں کی کوئی فکر نہیں بلکہ وہ پنجاب کی سیاست میں مصروف ہیں کیونکہ وہ پنجاب فتح کرنا چاہتے ہیں لیکن انہیں سوچنا چاہئے کہ جو خیبر پختونخواہ کی عوام نے ان پر اعتماد کیا تھا وہ ان کے اعتماد پر پورا نہیں اترے تو پنجاب کے عوام کے بھلا ان پر کیوں اعتماد کریں گے۔‎