اسلام آباد(مانیٹرنگ ڈیسک)گزشتہ روز کوئٹہ میں ہونےوالے دھماکے کی ذمہ داری کالعدم تنظیم داعش نے قبول کر لی ہے،دھماکے میں ایکفوجی ٹرک  کو نشانہ بنایا گیا تھا،کالعدم تنظیم داعش نے حملے کی ذمہ داری قبول کرتے ہوئے دعویٰ کیا کہ حملے میں شہید ہونیوالوں کی تعداد17ہے جبکہ35لوگ زخمی ہوئے ہیں،حملے میں فوجی ٹرک کو نشانہ بنایا گیا

جس کے نتیجے میں فوجی جوانوں سمیت14افراد شہید ہوگئے تھے،صوبائی وزیر داخلہ سرفراز بگٹی نے میڈیا سے گفتگو کرتے ہوئے کہا کہ حملہ آور کاسر مل گیا ہے تحقیقات کررہے ہیں ملک دشمنوں کو کیفرکردار تک پہنچائیں گے،انہوں نے مزید کہا کہ دہشتگرد ایسی بزدل کارروائیوں سے ہمارے حوصلے پست نہیں کرسکتے،ہم ان دہشتگردوں کو ختم کر کے ہی دم لیں گے۔انہوں نے کہا کہ ملک میں امن کےلئے پاک فوج کی قربانیوں کو فراموش نہیں کیا جا سکتا‎