سما  ہنی (آئی این پی) بھارتی فوج کی کنٹرول لائن سما  ہنی سیکٹر کے سرحدی علاقوں بنڈالہ ، ڈل کھمباہ ، میلہ اور کوٹلی گوجراں پر شدید فائرنگ و گولہ باری، ایک خاتون سمیت تین افراد زخمی ،  پاک فوج کی موثر جوابی کارروائی ، تفصیلات کے مطابق سما  ہنی سیکٹر کے سرحدی علاقوں بنڈالہ ، کھمباہ میلہ اور کوٹلی گوجراں پر بھارتی فوج کی طرف سے شدید ترین گولہ باری کی گئی  جس سے بنڈالہ کے مقم پر نجمہ بی بی  زوجہ منظور حسین سر پر شیل لگنے سے شدید زخمی ہو گئی جسے انتہائی تشویشناک حالت میں میرپور ریفر کر دیا گیا ادھر میلہ کھمباہ میں بھارتی بلا اشتعال فائرنگ و گولہ باری سے محمد سلیمان ولد نذر حسین عمر 55سال اور قربان حسین ولد سید محمد عمر 45سال بھی زخمی ہو گئے ہیں انڈین گولہ باری  کے جواب میں پاک فوج نے موثر جوابی کارروائی کرتے ہوئے  دشمن کی گنیں خاموش کرا دیں جبکہ دشمن کے مورچوں کو شدید نقصان پہنچایا بھارتی بلا اشتعال فائرنگ و گولہ باری کا سلسلہ آئے روز جاری ہے اور بھارت تما م حدود و قیود پھلانگتے ہوئے کنٹرول لائن پر غیر اعلانیہ جنگ مسلط کئے ہوئے ہے کنٹرول لائن پر بسنے والے لوگ جہاں پاک فوج کے شانہ بشانہ ڈٹے ہوئے ہیں وہاں عالمی دنیا سے بھارتی جنگی جنون اور انسانی حقوق کی شدید ترین خلاف ورزیوں کا نوٹس لینے کا بھی مطالبہ کر رہے ہیں۔

موضوعات:ایل او سی