کولمبو(آئی این پی)نیول چیف ایڈمرل ذکاء اللہ نے سری لنکاکے صدر سے ملاقات میں باہمی دلچسپی کے امور پرتبادلہ خیال کیا گیا،سری لنکا صدر نے خطے میں میری ٹائم سیکیورٹی میں پاک بحریہ کی کاوشوں کو سراہا اور حالیہ تباہ کن سیلاب کے دوران پاک بحریہ کے تعاون پر شکر یہ ادا کیا۔
بدھ کو ترجمان پاک بحریہ کے مطابق نیول چیف ایڈمرل ذکاء اللہ نے سری لنکا کے صدر سے ملاقات کی ۔ملاقات میں باہمی دلچسپی کے امور پر تبادلہ خیال کیا گیا۔سری لنکا صدر نے خطے میں میری ٹائم سیکیورٹی میں پاک بحریہ کی کاوشوں کو سراہا ۔اس موقع پر گفتگو کرتے ہوئے نیول چیف نے کہا کہ پاکستان سری لنکا افواج کو تربیت کی فراہمی میں تعاون جاری رکھے گا۔افرادی قوت اور تکنیکی مہارت کے شعبوں میں بھی ہرممکن تعاون جاری رکھیں گے۔سری لنکن صدر نے حالیہ تباہ کن سیلاب کے دوران پاک بحریہ کے تعاون پر شکریہ ادا کیا۔نیول چیف نے وزیر مملکت دفاع اورسیکرٹری وزارت دفاع سے بھی ملاقاتیں کی۔( خ ف)
