اسلام آباد(مانیٹرنگ ڈیسک)وزیر اعظم کے صاحبزادے حسین نوازکی جے آئی ٹی کے سامنے پیشی کے موقع
کی ایک تصویر سوشل میڈیا پر بڑی تیزی سے وائرل ہو رہی ہے ۔تصویر سے متعلق ابتداءمیں کہا جارہا تھا کہ اسے سب سے پہلے تحریک انصاف کے علی زیدی  نے اپ لوڈکیا ہے لیکن اب تحریک انصاف کے رہنما علی زیدی کی جانب سے یہ وضاحت آئی ہے کہ یہ تصویر انہوں نے اپ لوڈ نہیں کی ۔انہوں نے دعویٰ کیا کہ یہ تصویر مریم نواز کے سوشل میڈیا سیل نے جاری کی ہے

ان پر الزام لگانا زیادتی ہے.اس سے پہلے میڈیا میں یہ خبر آئی تھی کہ پانامہ سیکنڈل کی تحقیقات کیلئے بنائی گئی جوائنٹ انویسٹی گیشن ٹیم کے سامنے حسین نواز کی پیشی کے موقع کی تصویر منظر عام پر آگئی جس میں وہ سر جھکا کر بیٹھے ہیں۔یہ تصویر 28مئی 2017کی ہے۔ تصویر کوسب سے پہلے پاکستان تحریک انصاف کے رہنما علی زیدی نے اپ لوڈکیا ہے  تحریک انصاف کے رہنما علی زیدی نے تصویر ٹوئٹ کرتے ہوئے لکھا کہ جے آئی ٹی کی کارروائی کو ٹی وی پر براہ راست دکھانا چاہیے تاکہ سب کو پتہ چل سکے کہ جے آئی ٹی میں کیا ہورہا ہے،یہ موٹو گینگ کو میڈیا پر فضول باتیں کرنے سے بھی روکے گا۔تصویر لیک ہونے کے بعد سوشل میڈیا پر ایک طوفان برپا ہوگیا اواسے مذاق کا نشانہ بنایا جارہا ہے تو وہیں یہ سوال بھی اٹھایا جارہا ہے کہ اتنی حساس جگہ سے یہ تصویر کیسے لیک ہوگئی ۔لیکن جو بھی اب جے آئی ٹی کی کارروائی پر بہت بڑا سوالیہ نشان لگ چکا ہے اور یہ مطالبہ اب زور پکڑتا جارہا ہے کہ جس نے بھی یہ تصویر لیک کی ان عناصر کو بے نقاب کیا جائے۔

موضوعات:علی زیدی