اسلام آباد (مانیٹرنگ ڈیسک) پاکستانی سپہ سالار جنرل قمر جاوید باجوہ کے بیٹے سعد نے خبرر ساں ادارے سے بات کرتے ہوئے بتایا ہے کہ میرے بابا کو کرکٹ بے حد پسند ہے اور ان کے پسندید ہ کھلاڑیوں میں جاوید میانداد اور ویورچرڈ ہیں۔ انہوں نے بتایا کہ جنرل قمر جاوید کرکٹ دیکھنے کے ساتھ ساتھ کرکٹ کھیلنا بھی پسند کرتے ہیں جبکہ انکے دوسرے مشاغل میں سرفہرست موسیقی ہے جس میں انہیں ملکہ ترنم نور جہاں کی مدھر آواز بے حد پسند ہے جن کے نغمے وہ ماضی میں گنگنایا بھی کرتے تھے ۔
16دسمبر کے افسوسناک سانحے کے حوالے سے بات کرتے ہوئے سعد نے بتایا کہ جس روز یہ قیامت خیز سانحہ ہوا اس روز میرے والد گھر آئے تو بہت افسردہ تھے ۔ انہوں نے کہا کہ دہشتگردی جیسے ناسور کا خاتمہ اب مکمل طور بھی ہونا چاہیے ۔ میڈیا سے بات کرتے ہوئے ان کا کہنا تھا کہ سابق آرمی چیف جنرل (ر) راحیل شریف کی طرح میرے والد نے بھی اپنے کمرے میں شہدائے 16دسمبر کی تصاویر آویزاں کر رکھی ہیں ۔