اسلام آباد(مانیٹرنگ ڈیسک)جنرل قمر جاوید باجوہ نے پاک فوج کی کمان سنبھالنے کے بعد پہلا دورہ کورکمانڈر پشاور اور شمالی وزیرستان کا کیا جہاں انھوں نے دہشت گردی کے خلاف جنگ کی کامیابیوں کے سلسلے کو جاری رکھنے کا عہد کیا۔
پاک فوج کے تعلقات عامہ (آئی ایس پی آر) کی جانب سے جاری بیان کے مطابق آرمی چیف کو خیبرپختونخوا، فاٹا اور مالاکنڈ ڈویڑن کی سیکیورٹی کی صورت حال سے تفصیلی طور پر آگاہ کیا گیا۔آرمی چیف قمر باوجوہ نے بہادر قبائلیوں، افسران، فوجی، ایف سی اور پولیس کے جوانوں کو خراج تحسین پیش کرتے ہوئے کہا کہ ‘ہم اب تک حاصل ہونے والی کامیابیوں کو جاری رکھیں گے اور کسی بھی دہشت گرد کو واپسی کی اجازت نہیں دیں گے۔
ان کا کہنا تھا کہ بحیثیت آرمی چیف پاکستان کا دفاع اور سلامتی کے علاوہ ملک کو درپیش بیرونی اور اندرونی خطرات سے نمٹنا میرا بنیادی مقصد ہوگا۔انھوں نے پاک۔افغان بارڈر منیجمنٹ کو موثر بنانے کے لیے ایف سی کی مہارت کو تیز کرنے کی ضرورت پر زور دیا۔
شمالی وزیرستان کے دورے پر آرمی چیف کو ایجنسی کی سیکیورٹی کی صورت حال، متاثرین کی واپسی کے مرحلے اور تعمیراتی کام کے حوالے سے آگاہ کیا گیا۔

موضوعات:آرمی چیف جنرل قمر جاوید باجوہ