اسلام آباد(آن لائن)پانامالیکس کے مقدمے کی سماعت کے دوران پی ٹی آئی کے وکیل نعیم بخاری کا جسٹس عظمت سعید سے دلچسپ مکالمہ ہوا ہے۔ نعیم بخاری کاکہناتھاکہ لگتا ہے کہ آج آپ مجھ پر غصہ کریں گے جس پر جسٹس عظمت سعید نے کہاکہ آپ اپنے کیس پر توجہ دیں بخاری صاحب ، خوشامد نہ کریں۔چیف جسٹس کی سربراہی میں سپریم کورٹ کا پانچ رکنی بینچ پاناما لیکس کیس کی سماعت کی ، نعیم بخاری نے سماعت شروع ہوتے ہی کہاکہ گزشتہ سماعت پر ہونیوالی تلخی پر معذرت خواہ ہوں ، اگر میری آواز بلند ہوجائے تو کارروائی کیجئے
گا۔پانامہ لیکس کیس میں وزیر اعظم نواز شریف کے بچوں کے وکیل اور پاکستان تحریک انصاف کے وکیل نے جرح کی اور مختلف ثبوتوں پر دلائل پیش کئے۔ دوسری جانب پاکستان تحریک انصاف کے رہنما شاہ محمود قریشی نے کہاہے کہ پارلیمنٹ میں واپسی کا فیصلہ پامانا کیس کے فیصلے کے بعد کریں گے۔ سپریم کورٹ کے باہرمیڈیا سے گفتگو کرتے ہوئے شاہ محمود قریشی نے کہا کہ نئے وکیل بابراعوان سے کافی حد تک مطمئن ہوں، پارلیمنٹ میں واپسی کا فیصلہ پامانا کیس کے فیصلے کے بعد کریں گے جب کہ 24 ویں آئینی ترمیم کو ہم مسترد کرچکے ہیں۔ بلاول بھٹوکے حوالے سے ان کا کہنا تھا کہ بلاول بھٹو کوحکومت کے خلاف کوشش کرنے کا پورا حق ہے، بلاول ایک سیاسی جماعت کے سربراہ ہیں، ہر جماعت کو حق ہے کہ وہ جستجو کرے جب کہ بلاول کو کس سے آزادی حاصل کرنا ہو گی بعد میں بتاؤں گا۔