اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر دفاعی تجزیہ نگار ڈاکٹر حسن عسکری نے کہا ہے کہ نئے آرمی چیف جنرل قمر جاوید باجوہ کے خلاف گزشتہ چند دنوں سے ایک مہم لانچ کی گئی ہے جس پر آئی ایس پی آر کا بیا ن بھی آیاہے اور اس مہم کے پیچھے (ن) لیگ کی ایک بہت اہم اور قریبی شخصیت کا کلیدی کردار ہے۔
نواز شریف کی طرف سے یہ پیغام دیا جا رہا ہے کہ جنرل باجوہ کے پاؤں جمانے سے پہلے ہی ان پر رعب ڈال دیا جائے اور ایسا کرنا بہتر نہیں ہوگا۔ جنرل راحیل شریف اور نواز شریف کے دور میں ان کے درمیان اختلافات رہے ہیں۔ 4 سے چھ ہفتوں تک ایک اچھی شہرت سول اور ملٹری حلقوں میں ضرور قائم رہے گی کیونکہ ابتدائی سٹیج ہے۔
اس کے بعد جو حالات ہیں وہ ایشوز کے حوالے سے خراب ہو سکتے ہیں کہ ماضی میں جو مسائل تھے یا جو نئے مسائل ہیں انہیں کس طرح ہینڈل کیا جائے ۔ ڈاکٹر حسن عسکری نے کہا کہ نواز شریف نے فارسی کی ایک کہاوت کے مطابق جنرل باجوہ کو پہلے ہی روز یہ پیغام دیا ہے کہ ’’غرباء کشتن روز اول‘‘ یعنی پہلے ہی دن بلی مار دی جائے ۔ یہ ایک رعب ڈالنے کا طریقہ ہوتا ہے۔
جب جنرل باجوہ نواز شریف سے ملنے گئے ہیں تو ان کی میٹنگ کے دوران ایک لمبی چوڑی میز نظر آئی ہے اور وہ اس میز پر بہت کم ملاقاتیں کرتے ہیں ۔ اس طرح سے ملاقات کرکے نواز شریف نے یہ پیغام دیا ہے کہ “I am the Boss” بظاہر تو وزیر اعظم نواز شریف ان کے باس ہی ہیں لیکن عملی طور پر آرمی اور سول حکومت کی شراکت داری ہوتی ہے۔

What Nawaz Sharif Did During Meeting With Gen… by saj-tv