اسلام آباد(نیوزڈیسک) وزیراعظم ہاؤس آمد،پہلی ہی ملاقات میں جنرل باجوہ نے حیران کردیا، تفصیلات کے مطابق نئے آرمی چیف جنرل قمر جاوید باجوہ نے وزیر اعظم ہاوس آمد پر پہلی ہی ملاقات میں سب کو حیران کردیا اس موقع پرجنرل باجوہ پروٹوکول کوبالائے طاق رکھتے ہوئے وزیراعظم کے ملٹری سیکرٹری ڈپٹی ملٹری سیکرٹری اور پریس سیکرٹری سے گلے ملے۔واضح رہے کہ نامزدچیئرمین جوائنٹ چیفس آف اسٹاف کمیٹی جنرل زبیر محمود حیات اور نامزد چیف آف آرمی اسٹاف جنرل قمر جاوید باجوہ نے وزیراعظم محمد نواز شریف سے وزیراعظم ہاؤس میں الگ الگ ملاقات کی۔وزیراعظم محمد نوازشریف نے جنرل زبیر محمود حیات اور جنرل قمر جاوید باجوہ کو ترقی پانے پر مبارکباد دی۔وزیراعظم ہاؤس سے جاری بیان کے مطابق وزیراعظم نے کہا کہ جنرل زبیر محمود حیات اور جنرل قمر جاوید باجوہ اپنی ذمہ داریاں سنبھالنے کے بعد ملک وقوم کی احسن طریقے سے خدمت جاری رکھیں گے اورقوم کی توقعات پر پورا اْتریں گے۔جنرل زبیرمحمود حیات اور جنرل قمر جاوید باجوہ نے وزیراعظم کا شکریہ اداکیا اور کہا کہ ریاست پاکستان کا دفاع ناقابل تسخیر ہے۔انہوں نے کہا کہ پاکستان کی مسلح افواج مادرِ وطن کے دفاع کی خاطر کسی بھی قربانی سے دریغ نہیں کریں گی۔