نیا آرمی چیف کون؟ مریم نواز کے ٹویٹ نے تہلکہ مچا دیا

25 ‬‮نومبر‬‮ 2016

اسلام آباد(مانیٹرنگ ڈیسک) اگلا آرمی چیف کون ہوگا؟ وزیر اعظم نواز شریف کی صاحبزادی مریم نواز کے ٹویٹ نے سوشل میڈیا پر تہلکہ مچا دیا۔ تفصیل کے مطابق وزیر اعظم نواز شریف کی صاحبزادی مریم نواز نے گزشتہ روز وزیر اعظم ہاؤس میں آرمی چیف جنرل راحیل شریف کے اعزاز میں دئے جانے والے الوداعی عشائیے کی مختلف تصاویر ٹویٹ کی ہیں جس میں سینئر جنرلز نواز شریف سے مصافحہ کر رہے ہیں۔
مریم نواز کی مذکورہ ٹویٹ پر سوشل میڈیا اور مختلف ٹی وی چینلزپر تبصرے ہورہے ہیں۔اس ضمن میں کچھ لوگوں کا خیال ہے کہ تقریب میں لیفٹیننٹ جنرل اشفاق ندیم اور لیفٹیننٹ جنرل قمر جاوید باجوہ بھی شریک تھے مگر مریم نواز نے صرف لیفٹیننٹ جنرل زبیر محمود حیات اور لیفٹیننٹ جنرل جاوید اقبال رمدے کی تصاویر ہی شیئر کیں جس کا مطلب ہے کہ ان دونوں کو اہم ذمہ داری سونپی جا رہی ہے۔
جبکہ بعض تجزیہ نگاروں کی یہ رائے تھی کہ یہ دونوں جنرل بھی رخصت ہو رہے ہیں اس لئے وزیر اعظم سے ہاتھ ملا رہے ہیں اور دوسری طرف ان تصاویر سے ہٹ کر عمومی تاثر یہی تھا کہ لیفٹیننٹ جنرل اشفاق ندیم اور لیفٹیننٹ جنرل قمر جاوید باجوہ میں سے ایک کو جوائنٹ چیفس آف سٹاف کمیٹی کاچیئرمین اور دوسرے کو آرمی چیف بنایا جا رہا ہے۔