حب(مانیٹرنگ ڈیسک) بلوچستان کے علاقے حب کے قریب درگاہ شاہ نورانی میں خود کش دھماکے میں 10 افراد جاں بحق ہوگئے ہیں۔پولیس کے مطابق بلوچستان کے ضلع لسبیلہ میں واقع درگاہ شاہ نورانی میں خود کش دھماکے میں جاں بحق کی تعداد 30 تک پہنچ گئی ہے، جب کہ دھماکے میں 100 سے زائد افراد زخمی بھی ہوئے۔ درگاہ شاہ نورانی میں ہفتے کے روز شام کے اوقات میں دھمال کا آغاز ہوتا ہے، جس میں سیکڑوں افراد شرکت کرتے ہیں۔
عینی شاہدین کے مطابق دھماکے کے وقت درگاہ کا احاطہ کھچا کھچ لوگوں سے بھرا ہوا تھا، جہاں دور دور سے لوگ حاضری کیلئے آئے ہوئے تھے۔ دھماکا اس جگہ ہوا جہاں دھمال اور رقص جاری تھا۔ عقیدت مندوں کی بڑی تعداد یہاں سالا سال حاضری کیلئے موجود رہتی ہے۔ ڈسٹرکٹ اسپتال ذرائع کے مطابق جاں بحق افراد میں زیادہ تعداد خواتین اور بچوں کی ہےریسکیو ذرائع کے مطابق زخمی اور ہلاک ہونے والوں میں زیادہ تعداد خواتین اور بچوں کی ہے۔ ایف سی اور قانون نافذ کرنے والے اداروں کی بھاری نفری جائے وقوعہ پر پہنچ گئی ہے۔
یہاں یہ بات قابل ذکر ہے کہ شاہ نورانی کا مزار شہر سے سو کلومیٹر سے زائد فاصلے پر واقع ہے اور مزار جانے کا راستہ انتہائی دشوار اور خراب ہے، جب کہ قریب میں کوئی امدادی مرکز بھی موجود نہیںہے ۔