اسلام آباد(ایکسکلوژو رپورٹ) نجی ٹی وی پروگرام میں گفتگو کرتے ہوئے سینئر سیاستدان و معروف قانون دان اعتزاز احسن سے سوال کیا گیا کہ آپ نے ماضی میں سابق وزراء اعظم یوسف رضا گیلانی، نواز شریف سمیت کئی اہم شخصیات کے کیسز سپریم کورٹ میں لڑے ہیں۔ میاں نواز شریف نے آپ سے دوبارہ ریکویسٹ کی کہ آپ سب کا کیس لڑتے رہے ہیں تو سپریم کورٹ میں ہمارا بھی کیس لڑیں تو کیا آپ اب یہ پیشکش قبول کریں گے؟سینئر قانون دان نے سوال کہ جواب میں کہا کہ میرا اس بارے میں نکتہ نظر اتنا واضح ہو گیا ہے کہ اس کے بارے میں سب جانتے ہیں اور میاں نواز شریف کے پانامہ لیکس کیس کے بارے میں ، میں یہ کہتا ہوں کہ یہ کام انہوں نے کیا ہے ، ان پر تمام الزامات درست ہیں، اسلئے اتنا سب کچھ ہونے کے بعد میاں نواز شریف کی وکالت کرنا ممکن ہی نہیں۔