اسلام آباد(ایکسکلوژو رپورٹ) نجی ٹی وی پروگرام میں سینئر سیاستدان احمد رضاقصوری نے اہم انکشافات کر دیئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر سیاستدان نے انکشاف کیا کہ جب پانامہ لیکس کا معاملہ اٹھا تو میاں نواز شریف نے اپنے ’’گرو‘‘ آصف علی زرداری سے مشورہ کیا کہ مجھے بتائیں میں کیا کروں؟ آصف زرداری نے جواب میں کہا کہ جتنا اس معاملے کو لٹکا سکتے ہو لٹکاؤ۔ جتنا اسے Delay کرو گے اتنا یہ پس پشت چلا جائے گااور وقت کی مٹی کے نیچے دفن ہو جائیگا۔ سینئر سیاستدان احمد رضا قصوری نے کہا کہ اسی لئے وہ ایک ماہ کیلئے لندن چلے گئے علاج کے بہانے ۔ سینئر سیاستدان احمد رضا قصوری نے کہا کہ میں پانامہ لیکس معاملے کا کریڈٹ عمران خان کو دوں گا کہ اس نے اس ایشو کو زندہ رکھا اور اور اس کا اتنا تعاقب کیا کہ وہ معاملہ آج سپریم کورٹ مین پہنچ گیا ہے۔ سینئر سیاستدان احمد رضا قصوری نے کہا کہ میں عمران خان کا فین نہیں ہوں لیکن یہ پانامہ لیکس پر کارروائی اسی کا کارنامہ ہے۔