اسلام آباد (مانیٹرنگ ڈیسک) نجی ٹی وی چینل کے سینئر صحافی نے انکشاف کیا ہے کہ سرل المیڈا کیس کے حوالےسے کچھ اہم ترین ثبوت حساس اداروں نے حاصل کر لئے ہیں جس بعد اہم ترین فیصلے متوقع ہیں۔ تفصیلات کے مطابق قومی سلامتی اجلاس کی خبر نجی انگریزی اخبار میں شائع ہونے کے معاملے پر اہم ترین پیش رفت ہوئی ہے ۔ جس کےمطابق بہت سے اہم انکشافات سامنے آئے ہیں اورانگریزی اخبار پر شائع ہونے والی خبر کے علاوہ اور بھی دیگر اہم اور حساس نوعیت کےمعاملات سامنے آئےہیں ۔ جن کے مطابق اہم ترین ملاقاتوں کا احوال اور خبریں بھی اس اخبار کے علاوہ اور بھی دیگرذرائع کو ارسال کی جاتی تھی۔ سینئر صحافی نے مصدقہ ترین ذرائع کا ذکرکرتے ہوئے کہا کہ آئندہ اڑتالیس گھنٹوں میں حساس اداروں کے ذمہ دار اور اہم ترین حکومتی شخصیات کے مابین اہم ملاقات متوقع ہے  اس ملاقات میں حساس اداروں کی جانب سے ٹیلی فون کالز کی ریکارڈنگ اور دیگر ثبوت پیش کئے جائیں گے ۔ سینئر صحافی نے مزید دعویٰ کیا ہے کہ دو اہم ترین سیاسی شخصیات کے علاوہ ایک سرکاری شخصیت کے خلاف بھی سخت کارروائی کئے جانے کا امکان ہے ۔ اس ملاقات میں اہم ترین سرکاری شخصیت کی ٹیلی فون کالز اورملاقاتوں کا ریکارڈ بھی پیش کیا جائے گا۔ جس کے بعد امید ظاہر کی جا رہی ہے کہ پرویز رشید کے بعد مزید اہم شخصیات کی قربانی بھی متوقع ہے ۔ واضح رہے کہ اس سے قبل قومی سلامتی کے متعلق خبر رکوانے میں ناکامی پر وفاقی وزیر اطلاعات و نشریات کو عہدے سے ہٹا دیا گیا اور ان سے استعفیٰ طلب کر کے مریم جہانگیر کو ان کی جگہ پر وزیر اطلاعات کے عہدے پر تعینات کر دیا گیا تھا۔ ‎