اسلام آباد(مانیٹرنگ ڈیسک)سربراہ عوامی مسلم لیگ ، شیخ رشید پاناما لیکس کیس کے سلسلے میں سپریم کورٹ پہنچ گئے ہیں، سپریم کورٹ کے باہر انہوں نے میڈیا سے بات چیت کرتے ہوئے کہا کہ عمران خان کو آج لازمی سپریم کورٹ آنا چاہیے تھا، اس موقع پر انہوں نے واضح طور پر کہا کہ میں صرف عمران خان کے ساتھ ہوں، تحریک انصاف سے میرا کوئی تعلق نہیں۔یاد رہے کہ آج سپریم کورٹ میں پاناما لیکس کیس کی سماعت ہورہی ہے۔
واضح رہے کہ سپریم کورٹ میں پاناما لیکس کی سماعت شروع ہو گئی۔ ذرائع کے مطابق پاناما لیکس کی تحقیقات کے حوالے سے دائر درخواستوں کی سماعت سپریم کورٹ میں جاری ہے، چیف جسٹس انور ظہیر جمالی کی سربراہی میں قائم 5رکنی بینچ کیس کی سماعت کر رہا ہے۔اس موقع پرسیکیورٹی کے سخت ترین انتظامات کیے گئے ہیں۔ پاکستان تحریک انصاف ، عوامی مسلم لیگ ، جماعت اسلامی سمیت دیگر جماعتوں نے پاناما لیکس کی تحقیقات کے حوالے سے سپریم کورٹ میں درخواستیں دائر کررکھی ہیں جس پر چیف جسٹس انور ظہیر جمالی کی سربراہی میں پانچ رکنی فل بینچ تشکیلی دیا گیا ہے۔ذرائع کا کہنا ہے کہ عوامی مسلم لیگ کی جانب سے دائر درخواست پر دلائل دینے کیلے شیخ رشید خود سپریم کورٹ میں موجود ہیں جبکہ تحریک انصاف کے وکلاء کے علاوہ شیریں مزاری بھی کمرہ عدالت میں ہیں۔ دوسری جانب مسلم لیگ نواز کے طلال چودھری اور عابد شیر علی بھی احاطہ عدالت میں ہیں ۔

موضوعات:2 نومبر دھرنا پانامہ لیکس