اسلام آباد (این این آئی)آل پاکستان مسلم لیگ کے سربراہ جنرل ریٹائرڈ سابق صدر پرویز مشرف نے کہا ہے کہ عمران خان اپنی کارکردگی ثابت کرنے میں ناکام ہوگئے ہیں ٗ ملک میں اب فوج نہیں آئے گی ٗجو بھی تبدیلی آئے گی عدالت کے ذریعے ہی آئے گی۔ ایک انٹرویو میں سابق صدر پرویز مشرف نے کہا کہ جب سول حکومتیں ناکام ہوتی ہیں تو عوام فوج کی طرف دیکھتی ہے تاہم اب فوج حکومت میں نہیں آئے گی،اگر فوج آتی بھی ہے تو پھر تین ماہ کیلئے نہیں آنا چاہیے،پاکستان میں سی پیک کو اگر فوج لے کر بڑھ رہی ہے تو یہ کامیاب ہوگا۔انہوںنے کہاکہ جو بھی تبدیلی آئے گی عدالت کے ذریعے ہی آئے گی جب میں اقتدار میں آیا تھا تو موجودہ صورت حال سے بہت مختلف تھی ٗحالات بہت خراب تھے ٗملک کو چلانے کیلئے قرضے لینے پڑے،ہم نے آکر ملک کو سنبھالا آہستہ آہستہ حالات ٹھیک ہوگئے،عمران خان کے پاس شخصیت ہے کے پی کے میں حکومت ہے لیکن وہ اپنی کارکردگی ثابت کرنے میں ناکام ہوگئے ہیں،عمران خان کو چاہیے تھا کہ کچھ اچھا ڈیلیور کرنے میں کامیاب نہیں ہوئے ہیں۔انہوں نے کہا کہ ایم کیو ایم کراچی میں ایک حقیقت ہے لیکن باہر نکلیں تو کچھ بھی نہیں بلکہ ایک گالی ہے۔نہوں نے ایک سوال کے جواب میں کہا ہے کہ بھارت کے سابق وزیر اعظم منموہن سنگھ نے 2007ء میں پاکستان آنا تھا کشمیر،سرکریک اور سیاچن میں سے کسی ایک معاہدے پر دستخط کرنے تھے لیکن وہ نہ آئے اور بعد میں وہ وزیر اعظم بھی نہ رہے۔

موضوعات:پرویز مشرف