اسلام آباد(ایکسکلوژو رپورٹ) گزشتہ رات آرمی چیف جنرل راحیل شریف کی رہائش گاہ پر ہونے والی میٹنگ میں شہباز شریف اور چوہدری نثار کی جنرل راحیل شریف سے ملاقات کی اندرونی کہانی سینئر صحافی منظر عام پر لے آئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر صحافی کاشف عباسی نے انکشاف کیا کہ فوج یہ سمجھتی ہے کہ سرل المیڈا والی سٹوری پلانٹڈ ہے اور سوچ سمجھ کر چلوائی گئی ہے۔ سینئر صحافی کاشف عباسی نے کہا کہ ایک بات تو طے ہو گئی ہے کہ یہ بات پہلے دبے دبے لفظوں میں آتی تھی لیکن اب برملا سامنے آ گئی ہے۔ سینئر صحافی کاشف عباسی نے کہا کہ حکومت کیلئے ملاقات میں کچھ اچھی خبریں نہیں، آرمی چاہتی ہے کہ حکومت رزلٹ دے اور حکومت نے ابھی تک کیا رزلٹ دیا ہے؟سرل المیڈا کے حوالے سے کاشف عباسی کا کہنا تھا کہ یہ کسی نے نہیں دیکھنا کہ المیڈا نے کیوں یہ خبر دی کیونکہ ان کا کام تو خبر دینا تھا اور وہ انہوں نے دی۔ کاشف عباسی نے کہا کہ سرل المیڈا نے اپنا سورس بتانے سے انکار کر دیا ہے اور یہ اس کا حق ہے کہ وہ اپنا سورس کسی کو کسی صورت نہ بتائے، البتہ یہ حکومت کا کام ہے کہ یہ خبر اس تک پہنچی گئی ہے۔ سینئر صحافی کاشف عباسی نے کہا کہ کل رات کی میٹنگ میں خبر کے بارے میں پلانٹڈ کا لفظ استعمال ہوا ہے اور یہ بڑی اہم بات ہے۔