اسلام آباد(ایکسکلوژو رپورٹ) نجی ٹی وی پروگرام میں سینئر سیاستدان نے تہلکہ خیز دعویٰ کر دیا۔ تفصیل کے مطابق نجی ٹی وی سماء کے پروگرام میں گفتگو کرتےء ہوئے سینئر سیاستدان جاوید ہاشمی نے کہا کہ گزشتہ دھرنے میں عمران خان کو ضمانت مل گئی تھی کہ ہم نواز شریف سے استعفیٰ دلوائیں گے اگر آپ کے الزامات درست ثابت ہو گئے تو۔ اس کے باوجود جو لوگ عمران خان سے کچھ کروانا چاہ رہے تھے یا تو وہ راحیل شریف سے بھی بغاوت کر رہے تھے یا فوج نہیں تھے؟ وہ لوگ چند جرنیل تھے۔ جاوید ہاشمی سے جب میزبان سینئر صحافی ندیم ملک نے سوال پوچھا کہ وہ چند جرنیل کون تھے تو جاوید ہاشمی نے جواب دیا کہ آپ مجھ سے غلط بات کروانا چاہتے ہیں۔ ان لوگوں میں جنرل ظہیر الاسلام بھی شامل تھے اور جہلم کور کمانڈر خالد صاحب بھی ان میں شامل تھے۔ یہ سب جرنیل راحیل شریف کے خلاف تھے اور انہوں نے اپنی دکان چمکائی ہوئی تھی۔جاوید ہاشمی نے کہا کہ میں نے اس وقت عمران خان کو کہا تھا کہ ایک آدمی کے کہنے پر آپ نے مزید آگے جانے کا فیصلہ کر لیا تو دنیا سمجھے گی کہ عمران خان کبھی کوئی فیصلہ خود نہیں کرتا۔ جاوید ہاشمی نے نجی ٹی وی پروگرام میں گفتگو کرتے ہوئے دعویٰ کیا کہ ان سمیت یہ 4 سے 5 جرنیل باغی تھے۔ اسامہ بن لادن کے وقت فوج کے لوگ ڈرے ہوئے تھے ان میں کمانڈر انچیف بھی شامل تھا۔ انہوں نے کہا تھا کہ یہ پارلیمنٹ ہمارے خلاف آگ جلا دے گی۔ اس وقت مجھے ان لوگوں نے کہا کہ آپ کوئی مہربانی کریں گے؟ جاوید ہاشمی نے کہا کہ اس وقت میں نے انہیں جواب دیا کہ آپ کو بچانا ہم اپنے ایمان کا حصہ سمجھتے ہیں۔ آپ نے جو کر لیا وہ کر لیا۔ اس وقت میں نے پارلیمنٹ میں کہا کہ فوج کے اوپر ہم نے بین الاقوامی سطح پر کوئی بھی حرف نہیں آنے دینا۔