اسلام آباد (مانیٹرنگ ڈیسک) رہنما مسلم لیگ (ق)چودہرپرویز الہی نے کہا ھے کہ ا ورنج ٹرین منصوبہ محض ڈالر بناؤ سکیم ہے اور وزیر اعلٰی پنجاب شہباز شریف اس سکیم کے تحت لاہور کو قو می ورثے سے محروم کرنا چاہتے ہیں۔ان خیالات کا اظہار انہوں گزشتہ روز لاہور میں پریس کانفرس کرتے ہوئے کیا۔سابقہ وزیراعلیٰ پنجاب پرویز الٰہی نے پریس کانفرس میں کہا ہے کہ شہباز شریف نے قومی خزانے کو اربوں کا نقصان پہنچایا ہے سارا لینڈریوینیوایکٹ تحت شہباز شریف سے وصول کیا جائے ۔ایک سواکل کے جواب میں انہوں نے کہا کہ عدالتوں کے فیصلے تسلیم نہ کرنا شریف خاندان نے اپناوطیرہ بنا لیا ہے لہٰذا یہ عدالتوں کوکچھ نہیں سمجھتے۔
انہوں نے کہا کہ پنجاب میں بچوں کے اغواء کا مسلہ شدت اختیار کرتا جا رہا ہے اور پنجاب حکومت اس میں لچک دکھا رہی ہے اس لیئے سپریم کورٹ اس مسلہ کا از خود نوٹس لینا چاہئے۔ انہوں نے کہا کہ بچوں کے لیئے چائلڈپروٹیکشن بیورو بھی ہمارے دور میں بنے اور ہم نے اپنے دور میں بچوں کے اغواء کے چودہ کیس پکڑے تھے۔چودھری پرویز الٰہی کا مزید کہنا تھا کہ اورنج ٹرین منصوبہ ایک کرپٹ منصوبہ ہے اور شریف خاندان نے یہ منصوبہ محض ڈالر کمانے کے لیے شروع کیا ہوا ہے اور وزیر اعلٰی پنجاب لاہور کو قومی ورثے سے محروم کرنا چاہتے ہیں۔پرویز الٰہی نے کہا کہ فوری طور پر کرپٹ حکمرانوں کا احتساب کیا جائے اور میٹرو ٹرین منصوبے کو روکا جائے۔