لاہور(آئی این پی) وزیر اعظم میاں نوازشر یف کی بیگم کلثوم نوازکے ہمراہ گیلانی ہاؤس آمد ‘سید یوسف رضاگیلانی کو انکے بیٹے کی بازیابی پر مبارکباد ‘پھولوں کاگلدستہ اور مٹھائی کی ٹوکری بھی دی۔ ہفتے کے روز وزیر اعظم نوازشر یف اپنی اہلیہ بیگم کلثوم نواز اور بیٹے حسین نوازکے ہمراہ ڈی ایچ اے میں سیدیوسف رضاگیلانی کے گھر پہنچے جہاں انکو بیٹے علی حیدر گیلانی کی اغواء کاروں کے ہاتھوں بازیابی پر مبارکبادی ‘وزیر اعظم نوازشر یف کی آمد پر وہاں سیکورٹی کے انتہائی فول پر وف انتظامات کیے گئے تھے۔ اس موقع پر وزیراعظم اور ان کی فیملی کی طرف سے یوسف رضا گیلانی اور انکے اہلخانہ کو مٹھائی،کیک اور پھولوں کے دستے پیش کئے گئے،وزیراعظم نے یوسف رضاگیلانی کو بیٹے کی بازیابی پر مبارکباد دی اور ان کے خاندان کیلئے نیک خواہشات کا اظہار کیا۔