اسلام آباد(نیوزڈیسک)پاناما لیکس کا وبال،بالآخرانتہائی ’’سخت‘‘ فیصلہ کرلیا،وزیراعظم نواز شریف نے پاناما لیکس کے دباؤ اور شدید گرمی کے باوجود عوامی رابطہ مہم جاری رکھنے کا فیصلہ کیا ہے اور وہ منگل کو مولانا فضل الرحمان کی دعوت پر ڈیرہ اسماعیل خان میں جلسے سے خطاب کریں گے۔میڈیارپورٹ کے مطابق وزیراعظم نواز شریف نے پاناما لیکس اور الزامات کے جواب میں اپوزیشن کو سیاسی میدان میں ٹف ٹائم دینے کیلئے عوامی رابطہ مہم جاری رکھنے کا فیصلہ کیا ہے۔ وزیراعظم نواز شریف منگل کو مولانا فضل الرحمن کی دعوت پر ڈیرہ اسماعیل خان میں جلسہ عام سے خطاب کریں گے ٗ ایک دن کے وقفے سے 19 مئی کو گلگت بلتستان کا دورہ کریں گے جہاں پاک چین اقتصادی راہداری کے حصے آپٹیکل فائبر منصوبے کے افتتاح کے بعد اجتماع سے خطاب کریں گے۔وزیراعظم نواز شریف 20 مئی کو سوات میں اپنے خاندان کی طرف سے تحفے کے طور پر 10 کروڑ روپے کی لاگت سے بنائے گئے ہسپتال کا افتتاح کریں گے اور جلسہ سے بھی خطاب کریں گے۔واضح رہے کہ شدید گرمی کی وجہ سے وزیراعظم نوازشریف کے کچھ دن پہلے ہونے والے جلسہ کے لئے بھی خصوصی طورپر ایئرکنڈیشنز کا بندوبست کیاگیاتھا۔