انقرہ(این این آئی)وزیراعظم نوازشریف نے اہل خانہ سمیت ترک صدر طیب ایردوآن کی بیٹی کے نکاح میں شرکت کی اس دوران نوازشریف نے نکاح نامے پربطورگواہ دستخط بھی کیے ،نجی ٹی وی کے مطابق وزیراعظم نوازشریف ان چارسربراہان مملکت میں سے ہیں جنہیں ترک صدر طیب ایردوان نے خود اپنی بیٹی کے نکاح کیلئے مدعو کیا،اس موقع پر وزیراعظم نوازشریف کو نکاح کے گواہ کے طور پر سٹیج پر بھی بلایا گیا اور انہوں نے نکاح نامے پر دستخط بھی کیے ترک صدر نے اس موقع پرچارسربراہان مملکت کو شرکت کی دعوت دی جن میں آذربائیجان کے صدر ،امیر قطراور ان کی شریک ہائے حیات شامل ہیں،تقریب کے دوران نوازشریف نے پینٹ کوٹ زیب تن کررکھا تھا اورشرکاءسے ملاقاتیں بھی کیں، خاتون اول بیگم کلثوم نواز، وزیر اعظم کی بیٹی مریم نواز ، مریم نواز کی بیٹی ماہ نور صفدر ، وزیر اعلیٰ پنجاب شہباز شریف ان کا چھوٹا بیٹا سلمان شہباز اور ان کی اہلیہ بھی اس دورے پر وزیر اعظم کے ساتھ تھے،تقریب کے دوارن وزیراعظم کی اہلیہ کلثوم نوازنے بھی ترک صدرکی اہلیہ سے ملاقات کی اوران کی بیٹی کے نکاح پر انہیں مبارکباد پیش کی، ترک صدر کی بیٹی کی منگنی کی رسم مارچ میں ہوبر پیلس میں ہوئی تھی،ترک صدرطیب ایردوآن کی بیٹی سمیعہ ایردوآن کی شادی انجینئر سیلک بیراکتر سے ہورہی ہے ،سیلک کی کمپنی ڈرون طیارے بناتی ہے،اس سے قبل نجی ٹی وی کے مطابق وزیراعظم میاں محمد نواز شریف ہفتہ کو اہل خانہ کے ہمراہ ایک روزہ دورے پر ترکی روانہ ہوئے ،وزیر اعظم نواز شریف اتوار کی صبح استنبول سے وطن واپس پہنچیں گے۔دورے کی خاص بات ترک وزیر اعظم کی بیٹی کی شادی کی تقریب میں شرکت کرنا ہے جس کی دعوت انہیں ترک صدر طیب ایردوآن نے دی تھی، وطن واپسی پر وزیراعظم پانامالیکس پر قانونی مشیروں سے مشاورت کرینگے ۔