اسلام آباد (نیوز ڈیسک ) وفاقی حکومت نے ساتویں این ایف سی ایوارڈ کے تحت رواں مالی سال کی پہلی ششمائی کے دوران پنجاب کو 415ارب روپے، سندھ کو 227ارب روپے، خیبرپختونخوا کو 140ارب روپےا ور بلوچستان کو 85ارب روپے دے دیئے ہیں، جنگ رپورٹر تنویر ہاشمی کے مطابق وفاقی حکومت نے رواں مالی سال کے دوران این ایف سی میں صوبوں کاحصہ بجٹ میں بڑھایا تھا اور اس کے تحت رواں مالی سال کے دوران پنجاب کو گزشتہ مالی سال کے 751.5ارب روپے کے مقابلے میں 894.7ارب روپے، سندھ کو 413.5ارب روپے کے مقابلے میں482.8ارب روپے، خیبر پختونخوا کو 254.77ارب روپے کے مقابلے میں 300.452ارب روپے ، بلوچستان کو 154.98ارب روپے کے مقابلے میں 171.49ارب روپے ادا کرے گی جبکہ خیبر پختونخوا کو دہشتگردی کیخلاف جنگ کے باعث ایک فیصد اضافی ادا کیا جائیگا،وفاقی حکومت نےنیشنل فنانس کمیشن کا اجلاس گزشتہ10ماہ سے نہیں بلایا ،کیونکہ این ایف سی کے ممبران کی تعداد پوری نہیں تھی اور پنجاب کی نشست 10ماہ سے خالی تھی