اسلام آباد(نیوز ڈیسک)وزیراعظم میاں محمدنوازشریف نے قوم کو یقین دہانی کرائی ہے کہ ترقی کا سفر جاری رہے گا‘دہشت گردی کو بہت جلدتاریخ کے کوڑے دان میں ڈال دیں گے‘توانائی بحران پر دوسال میں قابو پا لیاجائیگا‘انہوں نے یہ بات جمعہ کو یہاں سرکاری اسکول آذان خان شہید ماڈل اسکول ایف ایٹ تھری میں مونٹیسوری کلاسوں کی افتتاحی تقریب سے خطاب کرتے ہوئے کہی ، وزیر اعظم نے اسکول کا تفصیلی معائنہ بھی کیا۔ جنگ رپورٹر صالح ظافر کے مطابق دریں اثناءوزیراعظم نے گریڈ21 سے 22 میں ترقی پانے والے افسروں کے گروپ سے گفتگوکرتے ہوئے کہا ہے کہ ہم اپنی بیورو کریسی سے اعلیٰ درجے کی شفافیت اور دیانتداری کی توقع کرتے ہیں‘ حکومتی امور میں ہماری سوچ اور اپروچ یہ ہونی چاہئے کہ مشن اور قواعد کے تحت کام کریں‘وزیراعظم نے ان افسروں کو ترقی ملنے پر مبارکباد دی‘انہوں نے کہا کہ پاکستان کی ترقی میں سول سروس کا کلیدی کردار ہے