راولپنڈی (آئی این پی )عوامی مسلم لیگ کے سربراہ شیخ رشید احمد نے واضح کیاہے کہ بڑھاپے کی شادی اور بینک کی چوکیداری کا مشورہ ان کا ذاتی نہیں تھا بلکہ ایسا شورش مرحوم نے کہاتھا۔ریحام خان کے برطانوی میڈیا کو دیئے گئے حالیہ انٹرویو پر ردعمل دیتے ہوئے شیخ رشید احمد نے کہاکہ جتنا بیوی جانتی ہے ، اتنا تو وہ عمران خان کو نہیں جانتے ، ان کی اپنی کہی گئی ایک بات گلے پڑگئی ہے اور وہ اب اس کی تصحیح کردیں کہ یہ مشورہ ان کا ذاتی نہیں تھا، اب دونوں کو سوچ سمجھ کر آگے بڑھناچاہیے ، اب یہ ہوگئی طلاق، اب یہ ختم ہوگئی بات، اب میڈیا کو ایک عنوان مل گیا ہے، بیلنے میں لسی سے مکھن نکلنے تک یہی جاری رہے گا۔