کراچی(نیوزڈیسک)کراچی میں قانون نافذ کرنے والے اداروں نے لینڈ مافیا کے گرفتار کارندوں کی نشاندہی پر مزید افراد کا سراغ لگا کر مبینہ افراد کی فہرست تیار کر لی ہے۔تفصیلات کے مطابق قانون نافذ کرنے والے اداروں نے کراچی میں ندی ، نالوں ، ریلوے سمیت دیگر سرکاری زمین پر قبضہ کرنے والے افراد کی فہرست تیار کر لی گئی ہے۔ ذرائع کے مطابق قانون نافذ کرنے والے اداروں نے قبضہ مافیا کے گرفتار کارندوں کی نشاندہی پر قبضہ مافیا کے مزید کرداروں کا سراغ لگایا ہے۔ سلطان موسی چائنہ کٹنگ کا بادشاہ اور ویسٹ زون کی زمینوں پر قبضہ کرتا تھا۔ الطاف بخاری، عرفان صدیقی، ٹیپو سرجانی ، نیو کراچی اور نارتھ کراچی کی زمینوں پر قبضہ کر چکے ہیں۔ریلوے کی زمین پر حمید راشد، آصف لانیہ نے قبضہ کر کے پلازے تیار کیے ہیں۔ مرتضی درانی نے گلشن اقبال اور گلشن معمار میں سرکاری زمین پر قبضہ کیا ہے۔ شہر میں غیر قانونی رہائشی سوسائٹیوں میں جمال نے سرکاری افسران کی ملی بھگت سے قبضہ کیا۔ ذرائع کے مطابق چائنہ کٹنگ میں ملوث سرکاری افسران نے بھی مبینہ افراد کی نشاندہی کی ہے جنہوں نے سیاسی جماعتوں کی پشت پناہی پر شہر قائد میں چائنہ کٹنگ کی ہے