آپ کا مقابلہ ان لوگوں سے جو اسلام کا نام تشدد کے حوالے سے استعمال کررہے ہیں میں اور آپ جانتے ہیں کہ اسلام امن کا دین ہے ، اسلام تشدد کیخلاف ہے ، اسلام کی تعلیم ہمیں دی گئی ہے جس کے مطابق اللہ تعالی ٰ معافی دینے والوں کو پسند کرتا ہے ، اللہ تعالیٰ تشدد تو دور کی بات بلکہ اونچابولنے والوں کو بھی ناپسندیدگی سے دیکھتا ہے ، آپ کا مقابلہ ان لوگوں سے ہے کہ جو اسلام کا نام لے کر بے گناہ شہریوں پر حملے کرتے ہیں، اسلام میں غیر مسلموں کی عبادتگاہوں پر حملے کی اجازت نہیں ہے یہ کیسے لوگ اور مسلمان ہیں جو مسجدوں ، جنازہ گاہوں اور بازاروں پر حملے کرتے ہیں ، میں یقین سے کہہ سکتا ہوں کہ انشاءاللہ آپ کے دراز قد اور آپ کا چوڑا سینہ پاکستان کے تحفظ کا باعث بنے گا ، آپ کا جذبہ ایمانی ملک میں امن بحال کرنے میں بنیادی کردار ادا کرے گا ،
مزید پڑھئے:پاکستانیوں سے ملنے والی بے پناہ ”محبت “مرتے دم تک یاد رہے گی : سوارا بھاسکر
آپ جس فورس میں شامل ہورہے یہ قومی اور تاریخی فورس بھی ہے ، آپ نے اس فورس کا مان رکھنا ہے آپ نے اس وردری کا بھرم رکھنا ہے آپ کو اس وردی اور فورس پر فخر ہونا چاہئے ، آپ نے ایسی فورس کا چناﺅ کیا ہے جس کے ذمہ ملک پاکستان کی مٹی کے تحفظ کی ذمہ داری ہے ، مجھے پورا یقین ہے کہ آپ اپنے عزم اور اپنے مقصد میں کامیاب ہوں گے ۔انہوں نے کہا کہ کمانڈنٹ نے مسائل کا ذکر کیا ہے وہ پہلے بھی حکومت کی نظر میں ہیں ہم کوشش کریں گے کہ یہ مسائل جلد سے جلد حل ہوں ، مجھے خوشی ہے کہ 3300دراز قد جوان چوڑے سینے والے ایف سی کا حصہ بن رہے ہیں ، میں وثوق سے کہہ سکتا ہوں کہ ایک ایک جوان میرٹ پر فورس میں آیاہے ، سیاسی مداخلت میں نے نہ کمانڈنٹ نے قبول کی ہے یہی طریقہ کار ہم نے تمام فورسز میں اپنایا ہے پولیس ، ایف سی اور دیگر اداروں میں میرٹ پر لوگ بھرتیاں ہوں گی ،
