اسلام آباد(نیوز ڈیسک)وفاقی وزیر داخلہ چودھری نثار علی خان نے کہا ہے کہ اسلام امن اور سلامتی کا مذہب ہے ،کچھ لوگ اسلام کا نام تشدد کے حوالے سے استعمال کر رہے ہیں ،اسلام کے نام پر بچوں ، عورتوں، بزرگوں پر حملہ کرنیوالے اسلام سے ناواقف ہیں،ایف سی میں کوئی سیاسی مداخلت قبول نہیں کی گئی ، پاس آﺅٹ ہونے والے جوان اپنی صلاحیتوں سے یہاں کھڑے ہیں ، ایف سی کے مسائل کو جلد سے جلد حل کرنے کی کوشش کروں گا۔جمعرت کوفرنٹیئر کانسٹیبلری کی پاسنگ آﺅٹ تقریب سے خطاب کرتے ہوئے وزیرداخلہ نے کہا کہ ایف سی کے جوانوں نے ایف سی کی نہیں بلکہ پوری قوم کا سر فخر سے بلند کر دیا ہے ، میں امید کرتا ہوں کہ پاس آﺅٹ ہونے والے جوان شہید وں اور غاذیوں کا علم لے کر میدان میں نکلیں گے ، پاسٹ آﺅٹ ہونے والے جوانوں کے ایک ہاتھ میں پاکستان کا جھنڈا اور دوسرے ہاتھ میں اسلام کا جھنڈا ہو گا کیونکہ آپ صرف پاکستانی نہیں ہیں آپ مسلمان ہیں اور آپ کے ذمہ اللہ تعالیٰ نے ذمہ داری عائد کی ہے کہ آپ اس ملک کی خاطر بے پناہ قربانیوں کے عوض حاصل کیا گیا تھا مگر سب سے بڑھ کر لا الہ الا اللہ محمد رسول اللہ کے نام پر حاصل کیا گیا تھا آپ اس کے تحفظ کیلئے اپنی جان ہتھیلی پہ رکھ کر میدان میں نکلیں ،