اسلام آباد( نیوزڈیسک)وزیر اعظم میاں محمد نواز شریف کی سربراہی میں پاک چین اقتصادی راہداری منصوبے پر آل پارٹیز کانفرنس جاری ، وزیر اعظم کا کہنا ہے کہ چین پاکستان کا دوست ہے کسی حکومت کا نہیں، اقتصادی راہداری بہترین منصوبہ ہے جسے مکمل ہونا چاہئے۔ وزیراعظم میاں محمد نواز شریف کہا کہنا ہے کہ قومی معاملات اتفاق رائے سے چلانا چاہتے ہیں، سیاستدانوں نے ماضی کی غلطیوں سے سبق سیکھا ہے۔ ہم نے 80 او 90 کی دہائیوں کی سیاست کو نہیں دہرایا۔ پچھلے دور کے مقابلے میں یہ منفرد دور ہے۔ انھوں نے کہا کہ اتفاق رائے سے 18ویں ترمیم کی منظوری بڑی کامیابی ہے۔ ہمارا سیاسی نظام پختہ ہو رہا ہے۔ جمہوری طریقے سے انتقال اقتدار خوش آئند بات ہے۔ یہ رویہ ہماری سیاست کا نصب العین بن جانا چاہئے۔ وزیراعظم نے کہا کہ پچھلے دور کے مقابلے میں یہ منفرد دور ہے۔ کراچی میں اسماعیلی برادری پر حملہ کرنیوالوں کو انجام تک پہنچائیں گے ، واقعہ کے بعد قلیل مدت میں مجرموں کی گرفتاری پر وزیراعلیٰ سندھ مبارکباد کے مستحق ہیں۔اکنامک کوریڈور پاکستان کی معاشی ترقی میں مرکزی کردار ادا کرے گا۔ اجلاس کے دوران احسن اقبال نے شرکا کو اقتصادی راہداری منصوبے پر بریفنگ دی۔

مزید پڑھئے:ایک صحافی کی طاقت