اسلام آباد(نیوزڈیسک)وزیر دفاع خواجہ محمد آصف نے کہا ہے کہ طالبان بھارت کےلئے پاکستان میں لڑ رہے ہیں . بلوچستان کی شورش میں بھی انڈیا کا ہاتھ ہے. بھارتی خفیہ ایجنسی اور دہشتگردوں کا گٹھ جوڑ چل رہا ہے .نام نہاد جمہوریت کا علمبردار ملک بھارت خطے میں عدم استحکام کا ذمہ دار ہے۔ ایک انٹرویو میں وزیر دفاع خواجہ محمد آصف نے کہاکہ بھارت کی پاکستان میں مداخلت کسی سے ڈھکی چھپی نہیں انہوںنے کہاکہ بھارتی خفیہ ایجنسی را اور پاکستان میں دہشت گردوں نے گٹھ جوڑ کررلیا ہے . کالعدم تحریک طالبان ، بھارت کےلئے پاکستان میں جنگ لڑرہے ہیں .طالبان بھارتی پراکسی کے طور پر پاکستان میں دہشت گردی کررہے ہیں۔وزیر دفاع نے بتایا کہ بلوچستان کی شورش میں شرپسندوں کو بھارت کی مدد حاصل ہے .خواجہ آصف نے کہاکہ یہ صورت حال ا س وقت شروع ہوئی جب سے ضرب عضب شروع ہوا۔انہوں نے واضح کیا کہ پاک فوج ملک دشمنوں میں کوئی امتیاز نہیں کررہی اور طالبان سمیت تمام دہشت گردوں کا صفایا کررہے ہیں۔ وزیردفاع خواجہ آصف نے آپریشن ضرب عضب میں پاک فوج کی کامیابیوں کی تعریف کی اور قربانیوں کو خراجِ تحسین پیش کیا