لاہور (نیوزڈیسک)ڈسکہ میں پولیس گردی کے واقعے کے حوالے سے سابق صوبائی وزیر قانون پنجاب رانا ثناءاللہ نے کہا ہے کہ ایک آدمی کے پاگل پن کی وجہ سے قابل مذمت واقعہ پیش آیا لیکن ایسے اکا دکا واقعات پیش آجاتے ہیں ۔نجی ٹی وی چینل سے بات کرتے ہوئے رانا ثناءاللہ کا کہنا تھا کہ پولیس کو گولی چلانے کا کوئی اختیار نہیں ہے لیکن ڈسکہ میں وکلاءپر گولی چلانے والے نے غیر قانونی حرکت کی ہے اور حکومت اس کے خلاف کاروائی کرے گی ۔ وزیر اعلیٰ خیبرپختونخواہ پرویز خٹک کے رد عمل کے بعد رانا ثناءاللہ نے جواب دیا کہ پرویز خٹک کی جانب سے درست بیان نہیں دیا گیا ۔پولیس کی جانب سے اکا دکا واقعات ہو جاتے ہیں اس لیے ایسے معاملات میں پریشان ہونے کی ضرورت نہیں ہے ۔ ڈسکہ واقعہ کوئی نیامعاملہ نہیں ،پریشان ہونے کی ضرورت نہیں .انہوں نے مزید کہا کہ خیبر پختونخواہ میں پولیس کو بہتر کرنے کے لیے کوئی اقدامات نہیں کیے گئے جبکہ پنجاب کی جانب سے بھر پور اقدامات کیے جا رہے ہیں ۔ ان کا مزید کہنا تھا کہ ایسے واقعات پر حکومت اپنا کام کر رہی ہے اس لیے اپوزیشن جماعتوں کوچاہیئے کہ اس موقع پر پوائنٹ سکورنگ کی بجائے حکومت کو بہتر تجاویز دیں تاکہ ملک میں بہتری لائی جا سکے ۔