جسٹس آصف نے کہا کہ کیا آئین بھی اسی طرح سے تبدیل ہوتا ہے یا اس کے لئے بھی سر کاٹنے پڑیں گے سرمد جلال عثمانی نے کہا کہ آپ یہ کہنا چاہتے ہیں کہ کچھ سروں کو نکالنا پڑے گا یہ سب آپ کے تاثرات پر ہے اے کے ڈوگر نے کہا کہ ٹی وی پر ایک عورت پر کوڑے مارے جارہے تھے ایک مولوی داڑھی والا مار رہا تھا جسٹس آصف نے کہا کہ بعد میں تحقیق پر پتہ چلا کہ یہ جعلی ہے ۔ اے کے ڈوگر نے کہا کہ مفتی سعید نے کہا کہ ہمارے بعض مولوی اسلام کو صحیح طور پر اپلائی نہیں کرتے ۔ ہمیں قرآن و سنت کی پیروی کرنی ہے میں داڑھی سے سجا ہوا تو نہیں ہوں مگر قرآن و سنت ضرور جانتا ہوں جسٹس سرمد جلال عثمانی نے کہا کہ داعش والے بھی تو قرآن و سنہ کا نام استعمال کررہے ہیں ان کے بارے میں کیا کہتے ہیں ۔اے کے ڈوگر نے کہا کہ میں یہ کہتا ہوں کہ آئین کا بنیادی خدوخال نہیں ہے بلکہ کہوں گا یہ بنیاد ہے آئین کے بنیادی خدوخال کی۔ کوئی بنیاد مضبوط نہیں ہو سکتی اگر وہ مذہب یا قرآن و سنہ پر نہیں ہے 3 ممالک ایسے ہیں کہ جن کی بنیاد مذہب پر ہے پاکستان‘ ایران اور اسرائیل شامل ہیں۔ انہوں نے 1997ءکے نصرت بھٹو کیس کا بھی حوالہ دیا۔ اللہ کی حاکمیت کا اقرار اور نظریہ پاکستان کی جہاں ضمانت دی گئی تھی مگر ضیاءالحق نے کچھ اور ہی کہا تھا اس پر نہیں جانا چاہتا۔ انہوں نے ظہیر الدین بنام ریاست کیس کا بھی حوالہ دیا۔ آرٹیکل 2 اے کے تحت عدالت کو جوڈیشل رویو کا اختیار حاصل ہے۔