اسلام باد(نیوز ڈیسک) وزارت داخلہ نے وفاقی دارالحکومت میں غیرملکی سفیروں اور وسفارتی عملے جبکہ چاروں صوبائی دارالحکومتوں میں قونصیلٹ دفاترکے عملے کی سیکیورٹی مزید سخت کرنے کے لیے چیف کمشنر اسلام ا باد اور چاروں صوبوں کے چیف سیکریٹریز کوسرکاری مراسلہ بھیج دیا ہے۔وزارت داخلہ کے ذرائع نے بتایا کہ وزارت داخلہ نے غیرملکی سفارت خانوں کوبھی خصوصی سیکیورٹی ایڈوائس جاری کی ہے جس میں کہا گیاہے کہ کسی بھی ملک کے خاص طورپر سفیر، فرسٹ سیکریٹری یادیگر اہم عہدیدار اسلام ابادکے ڈپلومیٹک انکلیوسے باہرشہر میں کسی تقریب میں یا ویسے جاتے ہوئے یابیرون شہرجانے کی صورت میں چیف کمشنراسلام ابادکو لازمی طورپر اگاہ کریں تاکہ انھیں فول پروف سیکیورٹی فراہم کی جائے۔ اسی طرح اگرکسی دوسرے شہرمیں سفیروں یادیگر عہدیداروں کو جانا ہوتب بھی وزارت داخلہ کے سیکیورٹی ونگ یاچیف کمشنراسلام اباد کو اگاہ کیا جائے جس میں ایک توجہاں انھیں جانا مقصود ہوگا اس کی سیکیورٹی کلئیرنس حاصل کی جائے گی، دوسرے، متعلقہ صوبائی حکومت کے ہوم ڈیپارٹمنٹ کوفوری اگاہ کرکے فول پروف سیکیورٹی کی فراہمی یقینی بنائی جائے گی۔ ذرائع کاکہنا ہے کہ وفاقی حکومت نے مذکورہ اقدام غیرملکی سفارتی عملے کی سیکیورٹی کومزید فول پروف بنانے کے لیے اٹھایاہے۔ علاوہ ازیں چاروں صوبوں میں قونصلیٹ دفاترکے عملے کی سیکیورٹی سخت کرنے کے لیے بھی مراسلے میں ہدایات جاری کی گئی ہیں۔