اسلام آباد (نیوز ڈیسک) امام کعبہ ڈاکٹر شیخ خالد بن عزیز الغامدی نے کہا ہے کہ دشمن فرقہ واریت کو ہوا دینا چاہتے ہیں باہمی اتحاد و اتفاق پر پہرا دینا ہو گا ۔ مسجد الحرام میں لاکھوں مسلمانوں کی امامت کے وقت کی کیفیات الفاظ میں بیان کرنا ممکن نہیں ۔ ایک انٹرویو میں امام کعبہ کا کہنا ہے کہ پاکستان میں میرا استقبال پاکستان میں حرمین الشریفین سے مسلمانوں کی محبت کا جیتا جاگتا ثبوت ہے ۔کشمیر اور فلسطین کے لوگ اپنی آزادی کی جنگ لڑ رہے ہیں جن کی مدد کرنا اچھی بات ہے ۔ ہمیں چاہئے کہ ہم اسلام کے اصولوں کے مطابق اتحاد و اتفاق سے زندگی گزاریں ۔ ایک سوال کے جواب میں انہوں نے کہاکہ فرقہ وارانہ چپقلش ایک نئی چیز ہے پہلے اس کا وجود نہیں تھا ۔ بعض معمولی اختلافات کے باوجود مسلمانوں میں محبت ، رحم اور یکجہتی کے عناصر غالب تھے ۔ سب مسلمان علماءتفریق کے مخالف ہیں ۔ تعصف کسی بھی طور درست نہیں ۔ انہوں نے کہا کہ سعودی حکومت اور عوام کے مابین مثالی تعلق قائم ہیں سعودی عوام حکومت سے محبت کرتے ہیں یہی مضبوط رشتہ اور ہم آہنگی سعودی عرب کو دشمنوں کی جانب سے لاحق خطرات سے بچائے ہوئے ہے ۔