اسلام آباد(نیوز ڈیسک) وزیر اعظم نواز شریف نے بھارتی ہم منصب نریندر مودی سے ٹیلی فونک گفتگو میں زلزلے سے ہونے والی ہلاکتوں پر افسوس کا اظہار کیا۔نجی ٹی وی کے مطابق وزیر اعظم نواز شریف نے بھارتی ہم منصب سے ٹیلی فونک گفتگو میں زلزلے سے ہونے والے جانی و مالی نقصان پر افسوس کا اظہار کیا، وزیر اعظم نے بھارتی عوام کے ساتھ یکجہتی کا اظہار کرتے ہوئے کہا کہ مشکل کی اس گھڑی میں پڑوسی ملک کے عوام کے ساتھ ہیں۔اس موقع پر بھارتی وزیر اعظم کا کہنا تھا کہ نواز شریف نے غیر موسمی بارشوں اور اس سے جانی نقصان کے علاوہ فصلوں کو پہنچنے والے نقصانات پر بھی بات کرتے ہوئے نیپال میں بھارتی امدادی کارروائیوں کو سراہا۔ نریندر مودی نے کہا کہ انہوں نے وزیر اعظم نواز شریف کو تجویز دی کہ سارک ممالک مل کر آفت زدہ ممالک میں امدادی کاروائی کریں اور خطے کے تمام ممالک کو مل کر قدرتی آفات سے نمٹنے کی مشقیں کرنی چاہیئں۔
مزید پڑھئے:اسٹیٹ بینک کی کمرشل بینکوں کو مزید اے ٹی ایمز نصب کرنے کی ہدایت