اسلام آباد(نیوز ڈیسک) حکومت نے یمن بحران سے متعلق پارلیمانی رہنماﺅں کا ان کیمرہ اجلاس بلانے پر غور شروع کر دیا۔ حکومتی رہنماﺅں کا کہنا ہے کہ مصالحانہ کوششوں کے ساتھ ساتھ مقدس مقامات کے تحفظ کیلئے ضروری اقدامات کرنے چاہئیں۔ پیپلز پارٹی نے سیز فائز کیلئے کوششیں کرنے پر زور دیا ہے۔ یمن بحران سے پیدا ہونے والی سیکیورٹی صورت حال پر غور کیلئے بلائے جانے والے پارلیمنٹ کے مشترکہ اجلاس میں تاحال کوئی نتیجہ سامنے نہیں آسکا۔ اجلاس مزید ایک سے دو روز تک جاری رہنے کا امکان ہے۔ سیکیورٹی سے متعلق بعض حساس معاملات پر بریفنگ کیلئے پارلیمانی رہنماﺅں کا ان کیمرہ اجلاس بھی بلایا جاسکتا ہے۔

مزید پڑھئے:جنوبی کو ریا میں 3800 شادیوں کی تقریب ایک ساتھ

پارلیمنٹ کے مشترکہ اجلاس کے دوران سیاسی رہنماﺅں میں اس بات پر عمومی اتفاق پایا جاتا ہے کہ سعودی عرب فوج بھیجنے سے گریز کیا جائے اور پاکستان اسلامی ممالک کے درمیان مفاہمت کیلئے کردار ادا کرے۔ پارلیمانی ذرائع کے مطابق سیاسی رہنماﺅں کے درمیان اتفاق رائے کے بعد پارلیمنٹ کے مشترکہ اجلاس میں یمن بحران سے متعلق متفقہ خارجہ پالیسی سے متعلق قرار داد لائی جائے گی۔