اسلام آباد(سپیشل رپورٹ)پاکستان سمیت دنیا بھر میں اپنی ویڈیو سے تھرتھلی مچانے والے ایم کیوایم کے کارکن صولت مرزا کو آج مجسٹریٹ کے سامنے پیش کیا جائیگا جہاں ان کا ازسر نو بیان ریکارڈ کیا جائیگا۔پھانسی سے 4گھنٹے قبل آنے والی ویڈیو کے بعد ایم کیو ایم کے گرد گھیرا تنگ ہوتا جا رہا ہے۔معتبر ذرائع سے معلوم ہوا ہے کہ صولت مرزا مجسٹریٹ کے سامنے اپنی کریمنل زندگی کے تمام صفحات کیساتھ ایم کیوا یم کا سب کٹھا چٹھا کھول دیں گے کہ کس کو کس کے اشارے پر قتل کیا گیا،کہاں کہاں ایم کیو ایم کا اسلحہ چھپا ہے،فنڈنگ کون کرتا ہے ،بھتہ کیسے اور کس کے زریعے سے وصول کیا جاتا ہے،رقوم کس ذرائع سے بیرون ملک منتقل کی جاتی ہیں ،باوثوق ذرائع سے معلوم ہوا کہ صولت مرزا ایم کیو ایم کے جن رہنماﺅں کے نام سامنے لائینگے ان میں پارٹی سربراہ الطاف حسین ، سابق وفاقی وزیر بابر غوری،حیدر عباس رضوی،واسع جلیل،خالد مقبول صدیقی،وسیم اختر ،سیف یار خان اور عامر خان ہیں ۔ معلوم ہوا ہے کہ اس فہرست میں موجود عامر خان الطاف حسین کیخلاف وعدہ معاف گواہ بن جائینگے۔ساتھ ہی یہ خبریں بھی مسلسل گردش میں ہیں کہ ذوالفقار مرزا بھی دبئی میں مصطفی کمال کو وعدہ معاف گواہ بننے کیلئے آمادہ کرر ہے ہیں

مزید پڑھئے:تحفہ نہ ملنے پر بیوی نے شوہر کا گلہ دبا دیا

جبکہ گورنر سندھ ڈاکٹر عشرت العباد نے وعدہ معاف گواہ ببنے سے انکار کر دیا ہے ۔موجودہ صورتحال میں اس وقت الطاف حسین کے علاوہ بابر غوری بھی ملک سے باہر ہیں جن کی گرفتاری کیلئے حکومت کو پاپڑ بیلنے پڑ سکتے ہیں ۔یاد رہے کہ صدر ممنون حسین نے صولت مرزا کی پھانسی اگلے 90 روز رکوانے کیلئے وزیر اعظم کی طرف سے بجھوائی گئی سمری پر دستخط کر دئیے ہیں۔