اسلام آباد (نیوز ڈیسک)پیپلز پارٹی نے چیئرمین سینیٹ کیلئے مختلف سیاسی جماعتوں سے رابطے تیز کر دیئے، آصف علی زرداری سینیٹ میں اپنا چیئرمین لانے کیلئے پوری طرح سرگرم ہیں۔ذرائع کے مطابق سابق صدر آصف علی زرداری نے مسلم لیگ ق کے سربراہ چوہدری شجاعت حسین سے ٹیلی فونک رابطہ کیا، جس میں چیئرمین سینٹ سمیت دیگر امور پر مشاورت کی گئی، سابق صدر آصف علی زرداری ایم کیو ایم ، ق لیگ، جی یو آئی ف اور اے این پی کی مکمل حمایت حاصل کرنے کی کوششوں میں مصروف ہیں، پیپلز پارٹی کو سینیٹ میں اکثریتی جماعت بن کر ابھری ہے، ایم کیو ایم ، اے این پی ، جے یو آئی اور مسلم لیگ ق کے سینیٹرز جس پلڑے میں وزن ڈالیں گے، چیئرمین سینیٹ بھی اسی جماعت کا ہو گاجبکہ دوسری جانب اسحاق ڈار نے میرحاصل بزنجوکو چیئرمین سینیٹ بنانے کی تجویزپرغورشروع کردیاہے۔زرائع کے مطابق وزیرخزانہ اسحاق ڈار نے سینیٹر حاصل بزنجو سے ٹیلیفونک رابطہ کیا۔ جس میں چیئرمین اور ڈپٹی چئیرمین سینیٹکے چناو¿ کے معاملے پربات چیت ہوئی۔ اسحاق ڈارنے میرحاصل بزنجو سے کہا کہ وقت پڑنے پر آپ کو بھی اہم ذمہ داری سونپی جاسکتی
ہے ،زرائع کاکہناہے کہ میرحاصل بزنجو مسلم لیگ نون کی جانب سے چیئرمین سینیٹ کے انتخاب میں حصہ لے سکتے ہیں۔