اسلام آباد( نیوزڈیسک)اپوزیشن لیڈر سید خورشید شاہ نے کہا ہے کہ حکومت نے رات کی تاریکی میں آرڈیننس لاکر ہارس ٹریڈنگ کی تاریخ رقم کی ، الیکشن شیڈول آنے کے بعد قانون تبدیل نہیں ہو سکتا ، الیکشن کمیشن آرڈنینس کا نوٹس لے۔ اسلام آباد میں میڈیا سے غیر رسمی گفتگو کرتے ہوئے قائد حزب اختلاف خورشید شاہ نے کہا کہ حکومت نے ہارس ٹریڈنگ کا عمل کر کے دکھا دیا، جو چیز اپنے مفاد میں لگی اس پر آرڈیننس لے آئے۔ چیف الیکشن کمشنر اس آرڈیننس کے لانے کا نوٹس لیں۔ خورشید شاہ نے کہا کہ اس آرڈیننس کو غیر قانونی مانا جائے گا۔ فاٹا والے پریشان ہیں جو الیکشن کمیشن گئے ہیں۔ الیکشن شیڈول آنے کے بعد قانون تبدیل نہیں ہو سکتا۔