کراچی(نیوزڈیسک) آل پاکستان مسلم لیگ کے سربراہ اور سابق صدر مملکت پرویز مشرف کہتے ہیں کہ ملک میں قیادت کا بحران ہے جس کے لئے تیسری سیاسی قوت کی ضرورت ہے۔
گلگت بلتستان سے تعلق رکھنے والے کارکنوں سے ٹیلی فونک خطاب کے دوران سابق صدر کا کہنا تھا کہ آزمائے ہوئے لوگوں کو بار بار موقع ملا اور وہ ناکام ہوگئے، آج صورت حال یہ ہے کہ ملک مشکل ترین حالات سے گزر رہا ہے، ملک میں کسی قسم کے ترقیاتی کام نہیں ہورہے، ملکی خزانے کولوٹا جارہا ہے اور عوام کو بجلی، پانی اور پٹرول بھی دستیاب نہیں۔ وہ ملک کی مخدوش صورت حال کے پیش نظر وطن واپس آئے تھے تاکہ ملک میں تیسری سیاسی قوت سامنے آسکے لیکن بے بنیاد مقدمے قائم کرکے انہیں نااہل کردیا گیا۔
