اسلام آباد (نیوز ڈیسک) سینٹ سے اپوزیشن جماعتوں کا پاک چین اقتصادی راہداری روٹ کی کابینہ سے منظوری کے خلاف واک آﺅٹ‘ پی پی پی ‘ ایم کیو ایم‘ (ق) لیگ ‘ اے این پی و دیگر اپوزیشن جماعتوں نے واک آﺅٹ میں حصہ لیا۔ جمعہ کو وقفہ سوالات کے بعد سینیٹر زاہد خان نے نکتہ اعتراض پر ایوان کی توجہ متنازعہ اقتصادی راہداری روٹ کی جانب مبذول کراتے ہوئے کہا کہ نئے روٹ پر کے پی کے اور بلوچستان کو شدید اعتراضات ہیں پنجاب کو فائدہ پہنچانے کے لئے روٹ تبدیل کیا گیا اور اب کابینہ نے متنازعہ روٹ کی منظوری بھی دیدی ہم چاہتے ہیں کہ یہ راہداری 2013 میں بنائے گئے پرانے روٹ کے مطابق بنائی جائے نئے روٹ پر چھوٹے صوبوں میں شدید احساس محرومی پیدا ہوگا اپوزیشن جماعتیں ابھی معاملہ پر ایوان سے واک آﺅٹ کریں گی اس کے ساتھ ہی زاہد خان کے ساتھ تمام اپوزیشن جماعتیں ایوان سے واک آﺅٹ کرگئیں جس پر چیئرمین سینٹ نے اجلاس پیر کی شام تین بجے تک ملتوی کردیا۔